Вовед во програмирање и запознавање со интегрираната околина за програмирање Code::Blocks

 

Компјутерски програми и програмирање

 Компјутерските програми претставуваат низи од инструкции кои компјутерот треба да ги изврши. Процесот на осмислување, креирање и поврзување на низите со инструкции се вика програмирање. Луѓето кои ги креираат програмите со помош на програмски јазици се нарекуваат програмери. Програмските јазици претставуваат множество од правила, симболи и клучни зборови кои се комбинираат на различен начин со цел доаѓање до решение на задачата или проблемската ситуација. Најчесто се употребувани програмските јазици: C, C++, Java, JavaScript, Python, Scratch, Basic, Pascal  и др. Во нашето секојдневие употребуваме различни програми, како на пример:

• играме игри за забава;
• пишуваме есеи во програмите за обработка на текст (MS Word, Open Office Writer и др.) ;
• вршиме пресметки во програмите за табеларни пресметки (MS Excel, Open Office Calc и др.) ;
• креираме презентации во програмите за креирање и уредување мултимедијални презентации (MS Power Point, Open Office Impress, Prezi и др.) итн.

Процесот на креирање на програма се одвива низ следните фази:

1. Пишување на изворен код (source code)
2. Преведување на изворниот код со помош на компајлер и наоѓање грешки
3. Поврзување во извршниот код (executable code) со помош на поврзувачи (linkers)
4. Тестирање на програмата.

Интегрираната околина за програмирање Code::Blocks

 Интегрираната околина за програмирање (IDE – Integrated Development Environment) претставува софтверски пакет кој ги содржи основните алатки потребни за пишување и тестирање софтвер. При креирање на програма, корисниците употребуваат бројни алатки за креирање, градење и тестирање на софтверски код. Развојните алатки често вклучуваат уредувачи (editor) на изворен код, библиотеки за кодови, компајлери и платформи за тестирање. Всушност, програмерот пишува и уредува изворен код во уредувачот на кодови (editor), компајлерот го преведува изворниот код на читлив јазик којшто може компјутерот да го изврши, а дебагерот го тестира софтверот за да реши каков било проблем или грешка. Интегрирана околина за програмирање која се употребува при креирање програми со C++ програмскиот јазик е Code::Blocks.

 Симнување на Code::Blocks од Интернет:

 

Извори:

• Учебник по информатика за седмо одделение
  
• Запознавање со C++